تسليح ال Solid slab : البلاطات ال solid لها نوعين : 1- one way 2- two way يعنى الحمل بيتحرك فى اتجاه واحد او اتجاهين وده بنعرفه عن طريق قسمه الطول على العرض لو اكبر من 2 تكون one way اقل من 2 تكون البلاطه . اى تسليح بيتنفذ على اساس المومنت فلازم اعرف المومنت عندى ازاى وامشى التسليح على اساسه فى البلاطات بيكون عندى اقصى مومنت (عزم ) موجب فى منتصف البلاطه واقصى عزم سالب فوق الكمرات والصوره الموجوده بتوضح الكلام ده . وعلى اساس الكلام ده بيكون عندى طريقتين فى التسليح علشان اوفى بيها العزم السالب : الطريقه الاولى : الحديد السفلى الى بيقاوم العزم الموجب بيمشى نصه عدل من البدايه لغايه ما يعدى الكمره ووقفه بعد نهايه الكمره والنص التانى بعمله (تكريب) يعنى برفعه لفوق الكمره علشان يقاوم العزم السالب التكريب فى البلاطات المستمره فى خمس البحر وبيستمر لربع البحر المجاور التكريب فى البلاطات المنتهيه بيكون فى سبع البحر لغايه الكمره وانزله برجل لتحت (حرف L) السيخ المكرب بيقابله سيخ عدل من البلاطه المجاوره والعكس صحيح grin رمز تعبيري الطريقه التانيه : بيكون عندى تسليح علوى فوق الكمره مخصوص علشان يقاوم العزم السالب وبيمتد لربع البحر من الجانبين ام التسليح السفلى كله بيمشى من البدايه ويقف بعد نهايه الكمره اما بالنسبه للكابولى (cantilever ) ده بيكون تسليح بشوك فى اتجاه الكابولى وده علشان اقاوم بيه العزم السالب الفرع السفلى للشوكه بيقف بعد نهايه الكمره والفرع العلوى بيمتد مره ونص طول الكابولى داخل البلاطه المجاوره وبعمله كراسى يقف عليها اما الحديد فى الاتجاه العمودى على الشوك بيكون حديد علوى وسفلى ده بالنسبه للبلاطت اما بالنسبه للكمرات : عندنا تسليح سفلى وده بيقاوم العزم الموجب وممكن يكون عدل او مكسح لو عدل بيمشى من العمود للعمود او للكمره حسب الكمره محمله على ايه ويفضل عند نهايه الكمره يطلع بحرف L لفوق ( ملحوظه الحديد السفلى للكمره الرئيسيه بيكون تحت الحديد السفلى للكمره الثانويه) . اما بالنسبه للمكسح بيكون بنفس طريقه التكريب للبلاطات الى اتكلمنا عنها فوق اما الحديد العلوى وده بيكون ثانوى فى نص الكمره لانه مش شايل عزوم وبيكون رئيسى فوق العمود لانه شايل عزم سالب . اذا زاد عمق الكمره عن 70 سم بضيف حديد يسمى حديد الانكماش وهوه عباره سيخين قطر 12 مم كلى 30 سم على جانب

شارك هذه الصفحة وتابعنا على صفحاتنا الرسمية

شارك الموضوع →

تويت

تابعنا →

إنشر الموضوع →