١٠٠معلومة في الاشىراف الهندسب

:
البوست ده لازم تقراه كمهندس مدني .. ولو مش فاضي اعمله save لأنه هيفيدك جدا

100 معلومة لازم تكون عارفهم كـمهندس #تصميم_إنشائي:
--------------------------------------------------------------

1- مبدئيا لو انت طالب لازم تفهم ان الوقت مش هيكفي انك تخلص امتحان الخرسانة :D
2- انت المصمم يعني انت اللي تقول أكشن .. يعني من الآخر انت اللي تمشي الحمل زي ما انت عاوز
3- أهم حاجة في التصميم انك تكون فاهم مش حافظ
4- مفيش حاجة اسمها هي كده وخلاص .. أو احنا اتعلمناها كده .. في حاجة اسمها إنك تتقبل كل الآراء وتتعلم كل حاجة جديدة
5- كلللل العناصر اللي بتصممها ليها نفس المبدأ في التصميم وتقريبا الاختلاف بيكون في طريقة الـ analysis عشان تحسب القوي والاجهادات اللي هتصمم عليها
6- كلمة تصميم دي معناها إنك بتعمل 4 حاجات (قطاع خرساني – حديد تسليح – قطاع آمن – قطاع اقتصادي)
7- لازم تكون بتعرف تعمل check علي اي حاجة وكل حاجة
8- الحديد بيشيل ضغط برده اقسم بالله
9- تزود خرسانة تقلل حديد .. تقلل خرسانة تزود حديد .. مالم تكن مقيد بنسبة
10- مفيش مهندس تصميم ميعرفش يعني ايه Long term deflection
11- متعترضش علي تصميم حد تاني من غير ما تسأله
12- يفضل تكون فاهم اساسيات التنفيذ عشان متعقدش مهندسين التنفيذ بتصميمك
13- في حاجة في الزلازل اسمها response spectrum حاول تتعلمها
14- لو مش عارف متفتيش
15- مفيش مهندس تصميم مش فاهم ستركشر
16- مفيش fcu في شغل الاهالي قيمتها 350 كجم/سم2
17- مفيش تصميم أصلا لشغل الأهالي :D
18- المهندس بيتعرف من سلمه
19- مينفعش تأخد حمل الرياح والزلازل في حالة تحميل واحدة .. ده مش critical .. ده كوكتيل
20- مفيش فاي 14 ولا فاي 20 في مصر.. فمتفكرش تستعملهم ومتكترش من فاي 25
21- مهندس التصميم مرتبه أقل من مهندس التنفيذ .. متنساش إنك قاعد في التكييف ومحدش بياخد كل حاجة :D
22- مهندس تصميم = لوح نظيفة .. مش صح إنك تكون فاهم اوي .. بس لوحك مش حلوة
23- الحاجات اللي بتاخد بالك منها في تصميم الاساسات :stress, shear, moment
24- الحاجات اللي بتاخد بالك منها بشكل أساسي فى الأعمدة: العمود long ولا short .. حمل العمود .. والمومنت "إن وجد"
25- الحاجات اللي بتاخد بالك منها في الكمرات: deflection ,shear, moment
26- الحاجات اللي بتاخد بالك منها في البلاطات: Deflection, Punch, M11, M22
27- بصفة عامة ممكن تشيّك عالشروخ في اي عنصر خصوصا البلاطات

• بالنسبة للأساسات:
-----------------------
28- كفر القواعد من 5 ل7 سم
29- أقل قطر تستعمله في التسليح هو12مم
30- أقل مسافة عملية بين سيخيين 7سم
31- أقل ارتفاع قاعدة عمليا 50 سم
32- رفرفة القاعدة من وش العمود يفضل متقلش عن سمك القاعدة
33- لازم كانات العمود تكمل جوه القواعد
34- تسليح السمل علوي وسلفي زي بعض
35- متفتحتش قاعدتين منفصلتين علي بعض وتسكت .. صممهم تاني combined
36- الـ strap ده الشداد والـ strip دي القاعدة الشريطية .. عيب لما تتلغبط بينهم
37- أفضل تصميم للقاعدة المنفصلة ان يكون الرفرفة في كل النواحي متساوية
38- القاعدة المنفصلة ملهاش تسليح علوي
39- الإضافي السفلي في اللبشة عند الاعمدة والعلوي في نص البحر (عكس الفلات سلاب)
40- الBearing capacity مش دايما 1.5 والله

• بالنسبة للأعمدة:
-------------------
41- اقل قطاع عمليا 25*40 ولو شغال فلات سلاب خليه 30*40 باستثناء الاعمدة اللي شايلة دور واحد أو الشخشيخة مثلا
42- أقل بعد في الكود 20 سم بس احنا بنعمله 25سم (للاعمدة المربعة او المستطيلة)
43- اقل قطر لعمود دائري 30سم
44- اقل عدد اسياخ للعمود المربع او المستطيل 4 اسياخ بحد أقصي عمود (30*30)
45- اقل عدد اسياخ للعمود الدائري 6 اسياخ
46- اقل مسافة بين سيخين بناخدها عمليا 7 سم واقصي مسافة 25 سم
47- اقصي مسافة بين فرعي كانة 30 سم
48- العمود بصفة عامة بيشيل ضغط يعني مينفعش البرنامج يطلعلك رد فعل العمود بالسالب وباقي الاعمدة بالموجب وتكمل شغل عادي :D
49- كانات الأعمدة بتكمل جوه الكمرات والاسقف
50- عدد أسياخ العمود زوجي فلو طلعلك مثلا 13 سيخ .. خليهم 14
51- بلاش تستعمل قطرين مختلفين ولا في عمود ولافي كمرة (عالرغم إنه ينفع بس مش مستحب)
52- متعملش عمود 35*55 ولا 35*75 خليه 35*60 او35*80 مثلا .. يعني خلي جنب 5 وجنب 10 عشان التنفيذ (عرض لوح الخشب وكده)
53- يفضل وضع العمود في الإتجاه الطويل للباكية

• بالنسبة للبلاطات:
---------------------
54- اقل قطر تستعمله فاي 10
55- اقل مسافة عملية بين سيخين 7 سم
56- البلاطة الهوردي هي الهولوبك بس متفهمش ليه بيقولوا هوردي
57- حط فواتير حول الفتحات في الفلات ساب
58- الاضافي بيكون من نفس قطر الشبكة او الدرجة الاكبر
59- اقل شبكة علوية 5 فاي10/م واقل شبكة سفلية عمليا 5 فاي 12/م
60- وزن الحوائط مش 0.2 t/m2 ولا هو قيمة ثابتة اصلا انت المفروض بتحسبه
61- وانت بتحسب بقي وزن الحوائط اضربه في 1.5
[5/11 10:41 م] eng.mohammed alamrory😄: مهندسون مدنيون محترفون:
عشان تاخد وزن المحارة بالمرة
62- كذلك ال live load مش دايما 0.2 t/m2 ادخل في كود الاحمال وشوف كل مبني حمله عامل ازاي
63- الحديد الاضافي بيكون شبكة او نص الشبكة
64- طول الاضافي بيكون رقم من عوامل ال12 يعني 12 تقبل القسمة عليه
65- مفيش كمرة مدفونة في سوليد سلاب
66- ابقي زود تسليح السلم شوية

67- متفتحش كمرتين علي بعض في لوحة الانشائي
68- تسليح الكمرات مبيبقاش (/م)
69- الفرش في كل حاجة في الاتجاه الطويل .. ماعدا السوليد سلاب
70- لازم تفهم كويس أوي ان الحديد بس هو اللي بيشيل الشد (لأننا بنهمل مقاومة الخرسانة للشد) عشان كده الحديد بيتحط في اتجاه المومنت
71- الشد دايما بيكون ناحية المومنت .. دايمااااااا
72- لما تكون الركيزة من تحت (زي الأسقف والكمرات مثلا) بيكون المومنت الموجب في نص البحر .. والمومنت السالب عند الركيزة .. والعكس صحيح (هتقابلك في اللبشة بس)
73- بناء عالـ 3 نقط اللي فاتوا .. حديد التسليح بيتحط ناحية المومنت .. يعني في حالة البلاطات في نص البحر الحديد الأساسي هيبقي سفلي .. وعند الركائز هيبقي علوي واللبشة العكس طبعا
74- احفظ دي كويس أوووووووووووووووي "تداخل مومنت يعني تباعد حديد .. والعكس صحيح" .. غير كده كل سنة وانت طيب .. Fatal mistake ! :D .. زي السلم كده
75- الحديد الثانوي للكمرات (اللي فوق يعني ... أيووووة اللي بيتعلق فيه الكانة ده) بتكون قيمته 20 % من الحديد الأساسي للكمرة
76- أقصي عدد أسياخ ممكن ترصه في القطاع بييجي من العلاقة (n=(b-25)/(@+25)) .. ال n هي أقصي عدد أسياخ ... و b هي عرض القطاع (الكمرة) و @ هي فاي (قطر السيخ)
77- أقصي عدد للصفوف ممكن ترصه في الكمرة هو 3 صفوف .. ولو هتستعمل أكتر من صف متنساش تحط Spacer .. اللي هي في الموقع اسمها "تخانة"
78- أي قطاع عليه M & N بيكون تسليحه أقل شوية من القطاع اللي عليه M بس وبيكون أقل بحاجة بسيطة .. (سيخين مثلا)
79- الإيتابس هو الساب بس علي نضيف شوية
80- لو هتشتغل تصميم يبقي تشتغل صح وطبقا للكود .. مش بالحب .. يا إما تخليك تنفيذ أحسن

81- أساسيات لوحة المحاور والاعمدة:
----------------------------------------
-- كل عمود يمر به محورين .. واحد في اتجاه X .. والتاني في اتجاه Y
-- كل عمود يتكتب بُعده عن المحور بتاعه
-- كل عمود يتكتب عليه اسمه (ع1,ع2, ..)
-- لازم تعمل جدول لقطاعات الأعمدة وتسليحها
-- ملاحظات الأعمدة

82- لوحة القواعد المنفصلة لازم يكون فيها:
-----------------------------------------------
-- أسماء القواعد (ق1 , ق2 , ....)
-- أسامي السملات
-- ملاحظات اللوحة
-- جدول لقطاعات القواعد العادية والمنفصلة
-- جدول تسليح السملات والشدادات

83- لوحة الأسقف أو اللبشة لازم يكون فيها:
-----------------------------------------------
-- سمك البلاطة أو اللبشة
-- أسماء الكمرات (ك1, ك2, ...)
-- أماكن التهبيط والـ drops
-- التسليح الأساسي والإضافي
-- جدول تسليح الكمرات
-- ملاحظات اللوحة

84- متنساش وزن البلوكات في الهولوبلوك
85- متاخدش ملاحظات أي لوحة كوبي وبيست بدون مراجعة
86- كل اللوح لازم يكون فيها المحاور والابعاد بين المحاور ويفضل الابعاد تكون من الـ 4 جهات
87- مينفعش تلغي محاور المعماري وتحط محاور خاصة بيك كانشائي .. لو المعماري كان حاطط محاور لازم تلتزم بمحاورالمعماري (ومسموح بالزيادة لكن تطبق على كل اللوح)
88- احترس من قاعدة (الدائرة المغلقة) وانت بتحط الكمرات
89- انت والمعماري بتكملوا بعض .. مش لازم تحط عليه وتخليه يرحل الباب عِند
90- متاخدش نتيجة البرنامج عمياني لازم يكون عندك سنس
91- عشان يكون عندك سنس صمم مانوال كثير وراجع تصميمك مع حد كبير
92- في الخرسانة انت بتسيف القطاع بالحديد .. مش بتعمل check زي الاستيل
93- عدد مهندسين التصميم تقريبا 5% من المهندسين ففرصتك مش كبيرة إنك تشتغل تصميم زي التنفيذ .. عشان كده لازم تكون مؤهل كويس جدا عشان تجبر أصحاب الشركات إنهم يختاروك انت
94- برامج التحليل زي الEtabs والـ Safe مثلا بتعمل ديزاين كامل مش analysis بس .. اه والله بس احنا مش بنعمل تصميم بيها لانه علي الكود الاجنبي
95- شيت الإكسيل هو نفسه التصميم مانوال بس بيوفرلك وقت .. لكنه مش برنامج ولا حاجة
96- حاول تقرأ ورق م. ياسر الليثي كله وتفهمه كويس
97- لازم تكون فاهم ازاي تتعامل مع البرامج كويس جدا
98- عمرك ماهتوصل لنهاية التصميم .. انت هتفضل تتعلم لحد ما تموت
99- فيه حاجات ثانية مهمة طبعا بس دول أشهر الملاحظات
100- لوعاوز تتعلم تصميم صح .. اتعلمه في أبك (واسطة بقي وكده)

منقول

شارك هذه الصفحة وتابعنا على صفحاتنا الرسمية

شارك الموضوع →

تويت

تابعنا →

إنشر الموضوع →